Albistea entzun

ZUZENDARIARI

Txoporen sake hori

David Salinas-Armendariz. -

2018ko abenduak 11 - Abokatua.

Athleticzaleok ondo gogoratzen ditugu Jose Angel Iribarren keinuak zelaian. Geldiketa bikaina egin ondoren laster begiratu ohi zion desmarkatuta zegoen taldekideren bati eta besoaz, goitik behera, jartzen zuen baloia hor. Askotan sake hori zen beste sareetan bukatuko zuen jokaldiaren hasiera. Hasiera egokia.

Euskal Selekzioaren ibilbidea antzinakoa da, eta azken urteotan zarauztar handi horren eskutik, gainera. Pausoak aurrerantz eman dira, bai, ofizialtasunaren aldeko bidean, kirol arloan behintzat, gure taldeek partidaz partida lehiakortasuna erakutsi baitute. Bestelako gauza da bulegoetakoa, non betidanik horma sendo bat aurrean egon den, eta, tamalez, hor jarraitzen duen. Oztopoak ez dira guztiak kanpotik etorri. Zoritxarrez, etxean ere izan ditugu, eta badirudi barruan dirautela.

Ulergaitza bada ere, orain arte Euskadiko Futbol Federakundeak bere bizitza osoan zehar ez du sekula nazioarteko ofizialtasunaren aldeko akordiorik egin, ezta UEFAn eta FIFAn sartzeko eskaerarik adostu ere. Etxeko lanak egin gabe daude oraindik.

Hala eta guztiz ere, hurrengo egunotan badago aukera prozesua behin batean martxan jartzeko. Abenduaren 12an, non eta Durangon, EFFko batzar orokorra deituta dago gai honen gainean, egun, euskal futbolaren borondatea zein den erakusteko. Bazen garaia.

Askok esango dute lehenengo kasillan besterik ez gaudela, baina, egia esan, honaino heltzea ez da berez erraza izan. 2017an ospatutako batzarrean gaia alde batera uztea erabaki zen, hausnarketarako epea irekiz. Ildo horretatik, azken hilabeteotan hiru lurraldeetan topaketak antolatu dira, eta klub guztiek izan dute parada ederra iritziak eta zalantzak mahai gainean ipintzeko. Esan beharra dago parte hartu duten guztiak ados ageri izan direla batzar erabakigarri bat ospatzearekin. Gauzak horrela, euskal federakundeko presidentea den Elustondo jaunak hitza eman zuen bilera hori deitzeko, eta konpromisoa bete egin du berarentzat erraza izan ez arren, esan beharrik ez dago.

Bukatzeko, beste pare bat gauza aipatu nahiko nituzke. Hurrengo asanblada erabakigarri horren aurrean ezinbestekoa da, nire ustez, batzarrean partaideen botoak publikoak izatea. Zergatik? EFFko estatutuek kasu honetarako hala jasotzeaz aparte, hain zuzen ere, horren garrantzi handiko den gai honetan bazkide zein zale bakoitzak bere klubak edukitako jarrera ezagutzeko eskubidea duelako.

Bestalde, Euskal Selekzioko jokalari eta hautatzaileen ordezkaritzaren parte hartzea funtsezkoa da Durangoko zitan, bereziki, erabakiak Selekzioaren etorkizunean izango dituen ondorioak kontuan hartzen baditugu.

Oraingo honetan badugu aukera baloiak sareetan amaitzeko. Horretarako, jokoan jarri behar da, Iribarrek bere sakearekin egiten zuen bezala.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.