ZUZENDARIARI

Pilota borobil madarikatua

Josune Otamendi Muñagorri. -

2018ko azaroak 13
Pilota borobil madarikatu hark zuen semea, Iñigorekin batera herritar asko kolpatu gintuen. Gaur bigarrenez zuen malkoak, Fina eta Manu, injustiziaren atzaparrak kontaezinak direla agerian jartzeaz gain, hunkitu gaituzte, geu ere kolpatuak sentitzen gara, eta malkoetan herritar asko mutu geratu gara, zuen sufrimenduari errespetoz, hitz guztiak gutxi dira, baina zuen oinazearekin bat hurbil senti gaitzazuen nahiko genuke. Jakin ezazue egiten ari zareten indarra justiziaren aldeko borrokan, eredu zaretela gutako askorentzat. Zuen mina arintzeko balio ez badu ere, nire atxikimendua bidaltzen dizuet, eta esan, zuen sentimenduen baratzean giza lora gozo, koloretsuak, ukitu anitzekoak jaio direla eta negu sarrerak mehatxatu arren, badakigu, badakizue elurte bortitzenak ere suntsituko ez dituela; zuek Fina eta Manu izango baitzarete gure bihotzeko amabitxi eta aitabitxi. Bi musu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna