ZUZENDARIARI

Estatus berria eta/edo askatasuna

Aitor Gaztainaga. -

2018ko otsailak 20
Medioen agendara iritsi da Gernikako Estatutuaren berrikusketa plana, Ibarretxeren garaiko mamuak gora eta behera, une batean non Espainiako Estatuak ez duen deus eskaintzeko grinarik, ez eta lurralde osorako aurrekonturik ere, bertoko eskuinaren atomizazioa dela eta, ezberdinen arteko hitzarmenerako tarterik ez dagoela. Espainiaz kanpo, Euskadin jokoan dagoena ez da bakarrik Kataluniarekin ei dugun antza politikoa, baizik eta gure gizartearen kohesioa eta ongizatea. Araba, Gipuzkoa eta Bizkaiko gizarteak independentziaren aldeko apustua txokoratua utzi omen zuen aspaldi, eta autogobernu osoago baten beharra ez da baizik eta gure kezka larrienak gertutik tratatzeko aukera, hots, langabezia, osasuna eta hezkuntza. Horiek beharko lukete, hitz-jokorik gabe, Estatutuaren erreformarako gida nagusi, ezein debatea ez den aldaketa aldaketagatik, baizik eta aldaketarik egotekotan, ia balioko ote duen kezkok bide onetik eramateko, hirugarrenak eta ez bakarrik Estatua bera kontzesio deserosoetara eraman gabe. Bestela, edozein esfortzu zaborrontzira joan daiteke, astia eta baliabideak barne. Lerro hauek itxi nahi ditut Garibaik jasotako perla historiko bat ekarriz, non Espainiar Inperioa Austriarren esku zegoenean, Felipe III.ak Gipuzkoari galdegin zion ea estatus berririk nahi ote zuen, probintzia izatetik erresuma izatera pasatzeko aukera emanez. Bertoko Batzar Nagusien erantzuna ezezkoa izan zen, ezein «askatasunik gabeko erresuma anitz» ei zegoen Koroaren pean, baina «probintzia aske bakarra», eurena. Heldutasun handiko erantzuna, orain ere baliogarri etorri daitezkeen aldaketen gidari gisa, eta beti ongizate komuna erdigune.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna