Dunbala

Dunbala

Maite Arroitajauregirekin elkarrizketa, Goya saria jaso berritan

Jagoba Salvador eta Eneritz Furyak

Urtebeteko ibilbidea egin du 'Dunbala' podcastak, eta urtemugak beste albiste pozgarri batekin egin du bat. Izan ere, aste honetan jaso du Maite Arroitajauregi musikariak Espainiako zinema Akademiak ematen duen Goya saria, Aran Callejarekin batera 'Akelarre' filmerako egindako musikarengatik. Lan horretaz eta Mursegoren hurrengo proiektuez luze eta zabal mintzatu da Arroitajauregi.

00:00 / 55:13

Entzuteko beste bide batzuk

Zuk nola entzuten duzu musika?

Zuk nola entzuten duzu musika?

Jagoba Salvador eta Eneritz Furyak

2021eko urriak 15

Zuk nola entzuten duzu musika, euskarri fisikoan ala formatu digitalean? Galdera horretatik abiatu dute Jagoba Salvador eta Eneritz Furyakek atal berria. Binilo zale amorratua den Asier Mendizabal 'Nokono' gonbidatu dute horretaz hitz egiteko. Horrez gain, Petra, Vulk eta La Rekbaren abestiak entzuteko parada izan da.

Eclectic Reactions zigilua eta musika esperimentala

Eclectic Reactions zigilua eta musika esperimentala

Jagoba Salvador eta Eneritz Furyak

2021eko urriak 1

Musika esperimental eta elektronikoari lotutako saioa osatu dute Jagoba Salvador eta Eneritz Furyak podcastaren egileek. Horretaz hitz egiteko Bilbon 2014. urtean sortutako Eclectic Reactions zigiluko kideetako bat gonbidatu dute, Joni (We Love Dolce Vita). Horrez gain, ohi bezala, azkenaldian argitaratutako zenbait nobedade entzuteko aukera izan da, tartean Maite Larburu eta Gianterenak.

Musika Zuzenean egitasmoaz hizketan Koldo Otamendirekin

Musika Zuzenean egitasmoaz hizketan Koldo Otamendirekin

Jagoba Salvador eta Eneritz Furyak

2021eko irailak 17

Udako atsedenaldiaren ostean itzuli da 'Dunbala', eta beste itzulera bat izan du hizpide atal honetan. Izan ere, Musikazuzenean.eus kontzertuen agenda digitala hasi da berriz martxan. Halaber, Hamaika Telebistako Musika Zuzenean saioak 150. atala aireratu du aste honetan. Horretaz guztiaz mintzatzeko, Koldo Otamendi gonbidatu dute podcastera.

EHZ jaialdia Irisarrin

EHZ jaialdia Irisarrin

Jagoba Salvador eta Eneritz Furyak

2021eko uztailak 2

Gaur hastekoa den Euskal Herria Zuzenean jaialdiak bete du ikasturte honetako azken saioa. 2020ko etenaren ostean, indartsu itzuli da festibala eta nagusiki Euskal Herriko taldeez osaturiko egitarau erakargarria eskainiko du hiru egunez Irisarrin (Behe Nafarroa). Egitarauaren errepaso zehatza egiteaz gain, Julen Oillarburu antolakuntza taldeko kidearekin mintzatu dira.

Biolontxeloaren izaera poliedrikoaz, Eñaut Zubizarretarekin

Biolontxeloaren izaera poliedrikoaz, Eñaut Zubizarretarekin

Jagoba Salvador eta Eneritz Furyak

2021eko ekainak 18

Pop eta rock doinuetatik aldendu eta musika klasikoari lotu izan zaion instrumentu bat da atal honetako protagonista: biolontxeloa. Horretarako, Eñaut Zubizarreta 'Trigger' musikaria elkarrizketatu dute; hainbat proiektutan dabil murgilduta Zubizarreta (Trigger, Poliedro, Wood Strings...), biolontxeloaren adierazpide ezberdinak ikertuz eta arakatuz.

Talde instrumentalak

Talde instrumentalak

Jagoba Salvador eta Eneritz Furyak

2021eko ekainak 4

Sofa taldearen itzulera baliatu dute Jagoba Salvador eta Eneritz Furyak-ek musika instrumentala jorratzen duten taldeei buruzko saio monografikoa osatzeko. Horrela, Zarauzko (Gipuzkoa) hirukoteaz gain, Yakuzi, Alba, Buffalo, Hyedra eta Giranice bezalako taldeen abestiak entzuteko parada izan dugu.

Musikarien arteko kolaborazioak

Musikarien arteko kolaborazioak

Jagoba Salvador eta Eneritz Furyak

2021eko maiatzak 21

Unean uneko kolaborazioa, musikarien artean hain ohikoa den elkarlan mota hori, izan da atal honetako ardatz eta gai nagusia. Saioa osatzeko zerrenda "apur bat nostalgikoa" prestatu dute Eneritz Furyak eta Jagoba Salvadorrek, eta besteak beste Mikel Laboa eta Ruper Ordorika, Kaskezur eta Miren Narbaiza, Gatibu eta Izaro edota Pelax eta Telmo Trenor entzun ahal izango ditugu.

Kontzertuen kartelgintzaz, Alots Arregirekin

Kontzertuen kartelgintzaz, Alots Arregirekin

Jagoba Salvador eta Eneritz Furyak

2021eko maiatzak 7

Kartelen garrantzia, kontzertu baten erakargarritasuna azpimarratzeko duten ahalmena, izan da Jagoba Salvador eta Eneritz Furyakek atal honetarako aukeratu duten gaia. Alots Arregi gonbidatu dute horretaz hitz egiteko. Azkoitiko Matadeixe gune autogestionatuko kontzertuen afixak sortzen ditu Arregik. Horrez gain, Keu Agirretxea eta Ziztada & Rlantzen abesti berriak entzun eta komentatu dituzte.

Abestien letragintzaz, Gartxot Unsainekin

Abestien letragintzaz, Gartxot Unsainekin

Jagoba Salvador eta Eneritz Furyak

2021eko apirilak 23

Abestietarako hitzak idazteko langintzaz aritu dira 'Dunbala' podcastaren atal honetan. Gartxot Unsain musikaria gonbidatu dute horretaz hitz egiteko. Hainbat taldetan aritutakoa da Unsain (Madeleine, Yaw, Bananas, Bi Zaldi, Grises...) eta hitzak idatzi ditu beste zenbait talderentzat (Nerabe, Merina Gris...).

Burdin hotsak, Inaxio Esnaola metalaren

Burdin hotsak, Inaxio Esnaola metalaren "aktibistarekin"

Jagoba Salvador eta Eneritz Furyak

2021eko apirilak 9

Euskal metal musikari eskaini diote 'Dunbala' podcastaren atal berria eta horretaz hitz egiteko ia inor baino aproposagoa den Inaxio Esnaola Aranzadi kazetari eta "metalaren aktibista" gonbidatu dute. Hogei urte betetzear den Herriko Burdina webgunearen arduraduna da Esnaola, euskal metala sustatzeko martxan jarri dituen beste hainbat ekimenen artean.

Estilo askotariko abesti berriak

Estilo askotariko abesti berriak

Jagoba Salvador eta Eneritz Furyak

2021eko martxoak 26

Azken asteetan argitaratutako kantu berrien errepasoa egin dugu atal honetan. Horrela, estilo askotariko abestiak entzun ahal izan ditugu: Lamiak hirukoteak riff gitarra sendoak ekarri ditu, LauKatuk pop-rock dantzagarria, Xatirok eta Raperuk jarri dute rap alea, muturreko metalera hurbildu gara Broken Legacyrekin, blues akustikoan murgildu gara Rolan Garcesekin eta esperimentazio elektronikoa dastatu dugu Myriam RZMrekin.

Maite Arroitajauregirekin elkarrizketa, Goya saria jaso berritan

Maite Arroitajauregirekin elkarrizketa, Goya saria jaso berritan

Jagoba Salvador eta Eneritz Furyak

2021eko martxoak 12

Urtebeteko ibilbidea egin du 'Dunbala' podcastak, eta urtemugak beste albiste pozgarri batekin egin du bat. Izan ere, aste honetan jaso du Maite Arroitajauregi musikariak Espainiako zinema Akademiak ematen duen Goya saria, Aran Callejarekin batera 'Akelarre' filmerako egindako musikarengatik. Lan horretaz eta Mursegoren hurrengo proiektuez luze eta zabal mintzatu da Arroitajauregi.

Raparen bueltan, La Basurekin

Raparen bueltan, La Basurekin

Jagoba Salvador eta Eneritz Furyak

2021eko otsailak 26

Euskal Herriko rap musikaren eszena izan dute hizpide 'Dunbala' podcastaren atal honetan. Horretaz hitz egiteko La Basu gonbidatu dute, gurean ibilbide luzeenetakoa duen rap abeslaria. Luze eta zabal mintzatu dira hip hop kulturaz, euskarazko rapaz, emakumearen eta raparen arteko harremanaz, zuzenekoez eta abar. Horrez gain, Orbain Unit eta TOC taldeen kantu berriak izan dituzte aipagai Jagoba Salvador eta Eneritz Furyakek.

Irrati libreei buruz, Asier Mendizabalekin

Irrati libreei buruz, Asier Mendizabalekin

Jagoba Salvador eta Eneritz Furyak

2021eko otsailak 12

Euskal Herrian tradizio luzea duten Irrati libreak hartu dituzte hizpide atal honetan. Horretarako, Asier Mendizabal Donostiako Ttan Ttakun irratiko kidea gonbidatu dute. Horrez gain, Arima, Bakelite, Muskulo eta Bamms taldeen abestiak entzun daitezke Jagoba Salvador eta Eneritz Furyakek zuzendutako saioan.

Olatz Salvadorrekin elkarrizketa, 'Aho uhal' diskoaz

Olatz Salvadorrekin elkarrizketa, 'Aho uhal' diskoaz

Jagoba Salvador eta Eneritz Furyak

2021eko urtarrilak 29

Olatz Salvador izan da atal berriaren protagonista. 'Aho uhal' diskoa plazaratu berri du kantari donostiarrak eta horri buruz aritu da solasean Jagoba Salvador eta Eneritz Furyakekin. Horrez gain, Grises taldearen "Galdu arte" abestia eta Mursegok 'Akelarre' filmerako egindako musika izan dituzte hizpide, besteak beste.

2020. urteak emandakoari gainbegiratua

2020. urteak emandakoari gainbegiratua

Jagoba Salvador eta Eneritz Furyak

2021eko urtarrilak 15

Amaitu berri den urteak emandakoari gainbegiratua eman diote podcastaren 2021eko lehen saioan. Horretarako hiru lagun gonbidatu dituzte: Jon Eskisabel BADOK atariko arduraduna, Ihintza Orbegozo 'Berria' egunkariko disko kritikaria eta Lorea Argarate disko jartzailea (Las Tea Party). Haien ustez gehien nabarmendutako diskoak izan dituzte hizpide solasaldian.

Ahotseneaz hizketan Miren Narbaizarekin

Ahotseneaz hizketan Miren Narbaizarekin

Jagoba Salvador eta Eneritz Furyak

2020ko abenduak 18

Miren Narbaiza musikari eta Ahotseneako koordinatzailea izan da atal honetako gonbidatu nagusia. Amaitu berri den Durangoko Azokaren ezohiko ekitalditik ateratako ondorioez luze eta zabal mintzatu da. Horrez gain, Mikel Iraetaren eta Rafa Ruedaren lan berriak hizpide izan dituzte Jagoba Salvador eta Eneritz Furyak esatariek.

Burrundaria eta 'Kantu eskukadak' liburua

Burrundaria eta 'Kantu eskukadak' liburua

Jagoba Salvador eta Eneritz Furyak

2020ko abenduak 4

Bi gonbidatu izan dituzte 'Dunbala' podcastaren atal honetan. Batetik, Unai Pelayo elkarrizketatu dute, Burrundaria izenpean kaleratu duen diskoaren harira. Ondoren, Beñat Rodriguez Olrait estudioko diseinatzailarekin mintzatu dira 'Kantu eskukadak' liburuaz. Ehun euskal talderen hitzak eta haientzat egindako ilustrazioak biltzen ditu 'Gaztezulo' aldizkariak argitaratutako lanak.

Pleura taldeari elkarrizketa

Pleura taldeari elkarrizketa

Jagoba Salvador eta Eneritz Furyak

2020ko azaroak 20

Durangoko Azoka hurbildu ahala lan berriak plazaratzen ari dira. Horietako bat da Pleura taldearen "Bakarhilketa", Nafarroako laukotearen estreinako diskoa. Ion Mayordomo eta Unai Urroz taldekideak elkarrizketatu dituzte Jagoba Salvador eta Eneritz Furyakek. Halaber, Izaki Gardenak eta Nabilen kantu berriak entzun ahal dira saio honetan.

Musika jaialdien ekosistema

Musika jaialdien ekosistema

Jagoba Salvador eta Eneritz Furyak

2020ko azaroak 6

Musika jaialdien eremuan murgildu dira Eneritz Furyak eta Jagoba Salvador. Arkaitz Villar Beratu jaialdiaren antolakuntza taldeko kidea elkarrizketatu dute. Hirugarren urtez antolatu dute jaialdia Oñatin, azaroaren 4tik 8ra, eta besteak beste Sua, Joseba Irazoki, Gaizka Insunza, Hakima Flissi eta Los Sara Fontanen emanaldiak eskainiko ditu. Azaroan egitekoa den beste jaialdi bat ere izan dute hizpide, Galdakaoko Kaiola. 

Kontzertuetako argazkilaritzaz

Kontzertuetako argazkilaritzaz

Jagoba Salvador eta Eneritz Furyak

2020ko urriak 23

Kontzertuetako argazkigintzari eskaini diote Jagoba Salvador eta Eneritz Furyak-ek 14. atalaren tarte nagusia. Horretarako, Jon Iraundegi eta Eider Iturriaga elkarrizketatu dituzte. Iraundegi 80ko hamarkadatik ari da zuzeneko emanaldietan argazkiak ateratzen; Iturriagak berriz, hainbat lan egin ditu, tartean Berri Txarrak taldearentzat. Horrez gain, Merina Gris talde berriaren lehen singlea aipagai izan dute saioan.

Kontzertu aretoen memoria

Kontzertu aretoen memoria

Jagoba Salvador eta Eneritz Furyak

2020ko urriak 9

Durangoko Plateruena kafe antzokiaren itxieraren berri izan genuen duela egun batzuk. Euskal musikarien lana plazaratzeko ezinbesteko aterpe izan da Plateruena hamasei urtez. Abiapuntu horretatik, beste zenbait areto hartu dituzte hizpide Eneritz Furyak eta Jagoba Salvadorrek, eta haiekin lotutako oroitzapen pertsonalak aletu dituzte, Glaukoma, Akauzazte, Willis Drummond eta Liberen musikaz lagunduta, besteak beste.

Zinemarekin lotutako abestiak

Zinemarekin lotutako abestiak

Jagoba Salvador eta Eneritz Furyak

2020ko irailak 25

Donostiako Zinemaldiaren aitzakian, modu batean edo bestean zinemarekin loturiko abestiek osatu dute 'Dunbala' podcastaren 12. atala. Besteak beste, Mursego, Ama Say, Norman, Jousilouli, Amorante, Joxe Ripiau, M-ak, Aizkorak Zorroztu eta Markos Untzetaren kantuak entzun ahal dira saioan. 

Udak ekarritakoari gainbegiratua

Udak ekarritakoari gainbegiratua

Jagoba Salvador eta Eneritz Furyak

2020ko irailak 11

Abuztuko etenaldiaren ostean itzuli da Jagoba Salvador eta Eneritz Furyak-ek zuzendutako saioa. Azken asteetan argitaratutako nobedadeak izan dituzte hizpide, tartean Dena hirukote gaztearen rock sendoa, Kyxo taldearen "pop axolagabea" edota Argazki Bat Behelainoan izeneko proiektu minimalista.

Hannot Mintegia (Moxal) eta etorkizuneko hainbat asmo

Hannot Mintegia (Moxal) eta etorkizuneko hainbat asmo

Jagoba Salvador eta Eneritz Furyak

2020ko uztailak 24

Abuztuan oporrak hartu aurreko azken saioan, Hannot Mintegia elkarrizketatu dute Moxal proiektuaren azken lanaz hitz egiteko, eta hainbat musikarik (Olatz Salvador, Bananas, Peru Galbete, Nogen, Birkit, Ro eta Urgatz) etorkizun hurbileko asmoak azaldu dituzte. Halaber, ohi bezala, BADOKen aurkitu daitezkeen eduki interesgarrietako batzuk aipatu dituzte.

Joanes Garcia Basurko (UsoPop) eta Edurne Azkarate

Joanes Garcia Basurko (UsoPop) eta Edurne Azkarate

Jagoba Salvador eta Eneritz Furyak

2020ko uztailak 10

Hamar urtez UsoPop jaialdia antolatu duen lagun taldeko kide Joanes Garcia Basurko elkarrizketatu dugu podcastaren bederatzigarren saioan. Azaroan egitekoa den Mapa Galduak jaialdi berriaren inguruko azalpenak eman dizkigu. Horrez gain, Edurne Azkarate antzezlearen gustu musikalak ezagutu ditugu, eta BADOK atarian aurkitu daitezkeen zenbait eduki interesgarri aipatu ditugu.

Gaztain grabazio estudioa eta Maddi Castro

Gaztain grabazio estudioa eta Maddi Castro

Jagoba Salvador eta Eneritz Furyak

2020ko ekainak 26

'Dunbala' podcastaren zortzigarren saioan, Badok atarian aurkitu daitezkeen azken nobedadeen berri eman dute Jagoba Salvadorrek eta Eneritz Furyakek, eta ondoren Zestoako (Gipuzkoa) Gaztain estudiora jo dute , hango soinu teknikari, ekoizle eta musikari Eñaut Gaztañagarekin hitz egiteko. Saioaren azken minutuetan, Maddi Castro 'Pikuak' websailaren zuzendariaren gustu musikalak ezagutu ditugu.

Behi Bideko Andere Xuriak eta Asier Burguete

Behi Bideko Andere Xuriak eta Asier Burguete

Jagoba Salvador eta Eneritz Furyak

2020ko ekainak 5

Behi Bideko Andere Xuriak taldea izan da 'Dunbala' podcastaren zazpigarren atalaren protagonistetako bat. Pantxix Bidart taldekidea elkarrizketatu dute Jagoba Salvador eta Eneritz Furyakek, "t'mAmAztAng"t" izenburuko disko berriaren harira. Horrez gain, Asier Burguete aktore eta dantzariarekin mintzatu dira, haren gustu musikalak ezagutzeko, eta BADOK atarian aurkitutako azken edukien berri eman dute.

Hautsi da anphora diskoak 40 urte

Hautsi da anphora diskoak 40 urte

Jagoba Salvador eta Eneritz Furyak

2020ko maiatzak 22

'Dunbala' podcastaren seigarren alea 'Hautsi da anphora' diskoari buruzko saio monografikoa da. 40 urte bete ditu euskal kantagintzan mugarri ezarri zuen Ruper Ordorikaren lehen diskoak. Jagoba Salvador eta Eneritz Furyak-ek lau lagun gonbidatu dituzte diskoari buruz hitz egitera: Josu Zabala eta Maite Larburu musikariak, Imanol Agirre Loraldia jaialdiko zuzendaria eta Fermin Etxegoien kazetari eta idazlea.

Diskoen azalak, Raitx eta Danele Sarriugarte

Diskoen azalak, Raitx eta Danele Sarriugarte

Jagoba Salvador eta Eneritz Furyak

2020ko maiatzak 8

Dunbala podcastaren bosgarren saioan, azken bi asteetan argitaratutako zenbait kantu berri aipatzeaz gain, diskoen azalak hartu dituzte hizpide Jagoba Salvador eta Eneritz Furyakek. Horretarako helduleku, Xabier Gantzarainek BADOKeko 'Azaletik' atalean idatzitako artikuluak izan dituzte. Horrez gain, Rakel Arenaza elkarrizketatu dute, Raitx proiektuaren lehen diskoaz solasteko, eta Danele Sarriugarte idazleak musikarekin duen harremanaz hitz egin digu.

Haurrentzako kantak, Mukuru kolektiboa eta Asisko Urmeneta

Haurrentzako kantak, Mukuru kolektiboa eta Asisko Urmeneta

Jagoba Salvador eta Eneritz Furyak

2020ko apirilak 24

Konfinamendu garaian haurrak etxetik atera ahal izatea eskatzeko Maite Arroitajauregik sortutako "Txakurran lepokoa erosi dut merke online" abestitik abiatuz, haurrengan pentsatuta sortutako abestien errepasoa egin dute Eneritz Furyak eta Jagoba Salvadorrek laugarren saioan. Horrez gain, Mukuru kolektiboko bi kiderekin hitz egin dute eta Asisko Urmenetaren gustuko musika ezagutarazi digute.

Elektronika, bideogintza eta beste

Elektronika, bideogintza eta beste

Jagoba Salvador eta Eneritz Furyak

2020ko apirilak 10

Hainbat gai izan dituzte hizpide Eneritz Furyak eta Jagoba Salvadorrek hirugarren saioan: Krii Kolektiboari Badok-en egindako elkarrizketa aitzaki, musika elektronikoari heldu diote; bideoklipak ekoizten dituen Arriguri kolektiboko Xabi Ojinagarekin mintzatu dira eta Itziar Ituño aktorearekin abiatu dute euskal kulturgileen gustuko musika ezagutzeko atal berria. Sara Zozaya, Nizuri Tazuneri & Urgatz, Ingot eta Olatz Zugastik jarri dute musika.

Etxetik etxeetara

Etxetik etxeetara

Jagoba Salvador eta Eneritz Furyak

2020ko martxoak 27

Koronabirusaren krisiak ere eragin dio 'Dunbala' podcastaren ekoizpenari, eta ohiko grabazio estudiotik beharrean norbere etxetik osatu dute Jagoba Salvador eta Eneritz Furyak-ek bigarren atala. Pandemiak bertan behera utzitako kontzertuen hutsunea betetzeko sarean sortutako ekimenak izan dituzte hizpide eta horri buruzko hainbat musikariren iritziak bildu.

Elkarrekin egoteko gonbita

Elkarrekin egoteko gonbita

Jagoba Salvador eta Eneritz Furyak

2020ko martxoak 13

Badok atariaren 'Dunbala' podcast berria martxan da. Lehen saioan hainbat gai izan dituzte hizpide Eneritz Furyak eta Jagoba Salvadorrek: Gernikan ehundik gora emakume musikarik egindako 'Elkarrekin egon ginen' topaketa izan da abiapuntua, eta ondoren Arima taldearen zuzenekoaz, Keu Agirretxearen 'Lagunak, ura eta bakea' proiektuaz, eta Testura, Verde Prato eta Liherren disko berriez hitz egin dute.