Izan BERRIAlaguna

Zaitun

Zaitun

Agitu Ideo Gudeta

Ane Irazabal

Imajina ezauze Italia iparraldeko mendietan, Alpeen magalean, bizi den ahuntzain baten bizitza. Eta orain imajinatu ahuntzain hori emakumea eta beltza dela. Trenton, Agitu Ideo Gudeta etiopiarrak kooperatiba iraultzailea abiarazi zuen duela bost urte. Gudeta errefuxiatua zen eta Etiopiako errepresio politikotik ihes egin zuen, bada, lurren desjabetzaren biktimak ziren nekazarien aldeko ekintzailea zen Gudeta. 2010ean maletak egin eta Italiara etorri zen asilo politikoaren bila. Harrera herrialdeak berriz ere hasteko aukera bat eman zion.

00:00 / 3:37

Entzuteko beste bide batzuk

Agitu Ideo Gudeta

Ane Irazabal

2021ko urtarrilak 13

Imajina ezauze Italia iparraldeko mendietan, Alpeen magalean, bizi den ahuntzain baten bizitza. Eta orain imajinatu ahuntzain hori emakumea eta beltza dela. Trenton, Agitu Ideo Gudeta etiopiarrak kooperatiba iraultzailea abiarazi zuen duela bost urte. Gudeta errefuxiatua zen eta Etiopiako errepresio politikotik ihes egin zuen, bada, lurren desjabetzaren biktimak ziren nekazarien aldeko ekintzailea zen Gudeta. 2010ean maletak egin eta Italiara etorri zen asilo politikoaren bila. Harrera herrialdeak berriz ere hasteko aukera bat eman zion.

Gudetak erabaki zuen mendian bizitzean, eta Trentoko komunitate txikietan aurkitu zuen babesa. Abandonatuta zeuden lur publikoak ustiatzen hazi zen eta ehunka ahuntzekin kooperatiba bat sortu zuen. Lehenik gazta egiten hasi zen eta gero kosmetikoak. Denbora gutxian, bizikidetzaren, harreraren eta integrazioaren sinbolo bilakatu zen emakume etiopiarra

Gudeta emakume indartsua zen, oso ausarta eta segurua. Horregatik, nekazari bizilagun askok ez zuten gustuko bere proiektua. Gehienak adineko gizonak ziren eta Gudetak islatzen zuen “aire berria” arriskutsutzat jotzen zuten. Desagertzeko zorian zegoen lanbide batean, Gudetak esperientzia eta gaztetasuna ekarri zituen; lan egiteko grina. “Berritasunak beldurra sorrarazten die”, esaten zuen berak.

Poliki-poliki, kooperatiba handitzen joan zen. Gudetak ahuntz gehiago erosi zituen eta Mediterraneoa gurutzatu ostean Italiara iritsi berriak ziren asilo eskatzaileei lana eskaintzen hasi zen. Gutxik espero zuten gabonetan hilik aurkituko zutela. Izan ere, bere bizilagunen deiei erantzuten ez ziela ikusita, asko larritzen hasi ziren. Trentoko adiskide batek bere logelan aurkitu zuen Gudeta, hainbat mailukaden ondorioz hilda. Ahuntzak zarata egiten ari ziren; zerbait oker zegoela jakingo balute bezala. Bere hiltzailea kooperatibako langile bat da eta poliziari esan dio soldataren gaineko eztabaida baten ostean hil zuela. Azkenean, asiloa eman zion herrialdean hil dute Gudeta. Baina lagunek adierazi dute bere kooperatiba zutik mantenduko dutela.

Saio honetako beste atal batzuk