Izan BERRIAlaguna

Zaitun

Zaitun

75190. na

Ane Irazabal

Lilliana Segre ez da italiar tipikoa. Ez da pasionala eta ez zaio keinuka aritzea gustatzen. Noski, etengabeko imintzioak egitea ez da italiar guztien ezaugarria, baina, aldi berean, herritar askok konpartitzen duten zerbait da.

00:00 / 3:33

Entzuteko beste bide batzuk

75190. na

Ane Irazabal

2019ko abenduak 11

Lilliana Segre ez da italiar tipikoa. Ez da pasionala eta ez zaio keinuka aritzea gustatzen. Noski, etengabeko imintzioak egitea ez da italiar guztien ezaugarria, baina, aldi berean, herritar askok konpartitzen duten zerbait da.

Lilliana Segre, berriz, patxadatsua da. Publikoaren aurrean ez du ahotsa altxatzen eta guztion amona balitz bezala hitz egiten du. Segre holokaustoaren gaineko hitzaldi batean ezagutu nuen iaz. 88 urte zituen orduan, eta urte gutxi zeramatzan bere historia herritarrekin konpartitzen. Izan ere, urte luzez isilik egon zen Segre. Ez zuen uste italiarrentzat bere drama interesgarria  izan zitekeenik.

Lilliana Milango familia laiko batean sortu zen. Ama goiz hil zitzaion, eta bere aitak eta aiton-amonek hezi zuten. Neskatoak ez zekien judua zela, Benito Mussolinik lege razial faxistak onartu zituen arte. Segre eskolatik bota zuten zortzi urte zituenean eta 1944ko urtarrilaren 30ean, Milango tren geltokitik Auschwitz-Birkenau kontzentrazio esparrura eraman zuten aitarekin. Helmugara iritsi bezain laster, banatu egin zituzten eta neskatoak ez zuen aita berriz ikusi.

Segrek bere izena galdu zuen, eta 75190. zenbakia tatuatu zioten. Han lan behartuak egitera derrigortu zuten eta beste hainbat esparrutara bidali, armada gorriak guneak askatu zuen arte. Auschwitz-Birkenauera eraman zituzten 14 urtetik beherako 776 ume italiarren artean, 21 bakarrik bizirik atera ziren. Segre zen horietako bat.

Lillianak 1997ra arte itxaron zuen bere esperientzia publiko egin arte. Geroztik, ahanzturaren aurkako ahots garrantzitsua bilakatu da. Beti protagonismoa bilatu gabe eta gertakariei garrantzia emanez. Baina azkenaldian gorrotoaren politikak erantsi egin du. Segreren familiak ezagutzera eman du egunero 200 bat mehatxu jasotzen dituela sare sozialetan. Ondorioz, Italiako gobernuak erabaki du 89 urteko amonari bizkarzaina jarri behar zaiola. Italiako eskuin muturrak adierazi du lotsagarriak direla Segrek jasotzen dituen mehatxuak, baina haiek ere halakoak jasotzen dituztela. Eta Israeli babesa erakutsi diote. “Gauza batek eta besteak zerikusia izango balute bezala”, esan du Segrek.


 

Saio honetako beste atal batzuk