Izan BERRIAlaguna

Zaitun

Zaitun

Aidako haurtzaindegia

Ane Irazabal

Belal Jadok 20 urte pasatxo zituen Amal Mustaqbal haurtzaindegia irekitzea erabaki zuenean. Hogei urterekin, nori okurritzen zaio haurrentzako zentro bat sortzea?, pentsatu zuten batzuek. Zergatik ez du falafel denda bat edo bestelako negozio bat irekitzen?, hausnartuko zuten besteek.

00:00 / 3:22

Entzuteko beste bide batzuk

Aidako haurtzaindegia

Ane Irazabal

2021ko maiatzak 26

Belal Jadok 20 urte pasatxo zituen Amal Mustaqbal haurtzaindegia irekitzea erabaki zuenean. Hogei urterekin, nori okurritzen zaio haurrentzako zentro bat sortzea?, pentsatu zuten batzuek. Zergatik ez du falafel denda bat edo bestelako negozio bat irekitzen?, hausnartuko zuten besteek.

Baina Belalentzat haurtzaindegia ez da negozio bat, Aida errefuxiatuen kanpalekuko umeei hezteko eta dibertitzeko aukera emateko bidea baizik. Izenak ere hori esan nahi du, alegia, “esperantza etorkizunean”. Horregatik, Amal Mustaqbal zentroa ez da bakarrik haurtzaindegi bat. Aida kanpalekuko biztanleentzako kultur etxe bat ere bilakatu da.

Aida Camp eremua 1948an sortu zuten Betleemera ihes egindako palestinarrekin. Israelgo Estatuaren sorrerarekin, palestinar asko Gaza, Zisjordania edo inguruko beste estatu arabiar batzuetara mugiarazi zituzten eta prozesu horri Nakba edo hondamendia deitzen diote palestinarrek. Belalen familiak ere patu bera jarraitu zuen. Jadotarrak Betleemgo Aida errefuxiatuen kanpalekuan ezarri ziren eta belaunaldiz-belaunaldi, kanpalekuarekin batera hazi da familia. Egun, 6500 pertsona bizi dira Aidan kilometro karratu batean. Oro har, UNRWA Nazioarteak Palestinar Iheslarientzako Laguntza eta Lan Bulegoa arduratzen da errefuxiatuen kanpalekuko biztanleen hezkuntza sistemaz, baina kasu honetan 7 hamarkada igaro dira eta programa ez da eremu guztietara iristen.

Horregatik, duela hainbat urte, Belalek aurrea hartu zioten egoerari. Lagunekin lokal bat hartu eta zerotik haurtzaindegi bat ireki zuen. Barrura sartzean, kolorez beteriko oasi bat dirudi Amal Mustaqbalek. Goizero, haur txikiek aukera daukate bertan dena ahazteko, eta udalekuetan, kanpaleku baten erdian, hamaika ekintza antolatzen dituzte beraiekin. Dena, autofinantzatuta. Belalek ez du inoiz kanpalekua utzi nahi izan, txikitik handira iristen direlako aldaketak.

Saio honetako beste atal batzuk