Izan BERRIAlaguna

Zaitun

Zaitun

Day X

Ane Irazabal

Espien gaineko filmak gustatzen bazaizkizue, istorio honek Hollywoodeko pelikula bat irudituko zaizue. Baina kontuz, ez da fikzioa. Jarraian kontatuko den guztia benetan gertatu da eta jazoerak argi uzten du errealitateak edozein gidoi gainditzen duela.

00:00 / 2:28

Entzuteko beste bide batzuk

Day X

Ane Irazabal

2021ko abenduak 15

Espien gaineko filmak gustatzen bazaizkizue, istorio honek Hollywoodeko pelikula bat irudituko zaizue. Baina kontuz, ez da fikzioa. Jarraian kontatuko den guztia benetan gertatu da eta jazoerak argi uzten du errealitateak edozein gidoi gainditzen duela.

Historia, Vienako aireportuko komun batean hasten da. Austriako poliziak pistola bat aurkitzen du komun-ontzi baten atzean, eta, hatz marken analisia egin ostean, poliziak jakiten du arma Alemaniako gazte baten izenean dagoela: 32 urteko Franco Albrecht izeneko mutila. Baina Albrecht ez da gazte arrunt bat, izan ere, militar ohia da eta indar berezien batailoietan parte hartu izan du. Zer egiten du gazte horren pistolak Vienako aireportuko komun batean ezkutatuta?

Alemaniako zerbitzu sekretuek ikerketa bat abiarazten dute eta aurkitzen dutena oraindik beldurgarriagoa da. Konturatzen dira Albrechtek bi urte pasa dituela Siriako errefuxiatu bat balitz bezala bizitzen. Alegia, 2015ean Alemaniara iritsi ziren milioi bat asilo eskatzaileren antzera, bera ere errefuxiatu bat balitz bezala erregistratu dela, eta, orduz gerotik, izen faltsu arabiar bat duela. Hau da, Albrechtek bizitza bikoitza du.

Poliziaren lehen erreakzioa: nola da posible? Baina laster konturatzen dira guztia ondo antolaturiko plan baten ondorioa dela. Franco Albrechtek hilabeteak pasa ditu ilea eta bizarra luzatzen uzten. Ikertzaileek ezin dute sinistu begi aurrean ikusten dutena. Baina istorioa oraindik sinestezinagoa bihurtzen da. Izan ere, Albrechten etxea miatu ostean, militarrek munizio profesionala aurkitzen dute eta jabetzen dira gaztea politikari entzutetsu askoren aurkako atentatuak antolatzen ari dela, “estatuaren egiturak kulunkatzeko”. Baina ez hori bakarrik, eraso hori bere nortasun faltsuari, alegia, errefuxiatuari, egotzi nahi dio.

Albrechtek, gainera, ez du bakarrik lan egiten. Ikertzaileek aurkitzen dute militar ohiez osaturiko mugimendu neonazi bateko kidea dela. Atentatu egunari Day X izena jarri diote. Gaztea terrorismoagatik epaituko dute eta prozesu mediatikoa izango ari da. Baina gertaera honek lotsak erakutsi dizkio Alemaniari eta era argian azaleratu du eskuin muturra herrialdearen segurtasun indarretan infiltratuta dagoela.

Saio honetako beste atal batzuk