Izan BERRIAlaguna

Zaitun

Zaitun

Erromako merkatuak

Ane Irazabal

Ez dute aitzitiko itxura, ezta pandemiaren aurreko jende kopurua ere. Baina Erromako merkatu irekiak haien tokia aldarrikatzen hasi dira deseskalatze fasean. Campo dei Fiori plazan, ondo seinalatuta daude sarrerak eta irteerak.

00:00 / 3:12

Entzuteko beste bide batzuk

Erromako merkatuak

Ane Irazabal

2020ko ekainak 3

Ez dute aitzitiko itxura, ezta pandemiaren aurreko jende kopurua ere. Baina Erromako merkatu irekiak haien tokia aldarrikatzen hasi dira deseskalatze fasean. Campo dei Fiori plazan, ondo seinalatuta daude sarrerak eta irteerak.

Luigik hamar urte daramatza merkatuan lan egiten. Egunotan kudeaketa lanak egiten ari da. Luigik mantra bat balitz bezala errepikatzen du erosketak modu seguruan egiteko ibilbideak ondo ezarrita daudela. Jendearen artean metro bateko distantzia mantendu beharra dago eta bezeroak egoera berrira ondo moldatzen direla uste du.

Luigik lehen unetik borrokatu du konfinamendu garaian merkatuak irekita mantentzearen alde. Erromako merkataria, txiki-txikitatik bizi izan da Campo dei Fioriren ondoan. Aitak loreen postu txiki bat zeukan plazaren izkina batean. Orain Bangladesheko Abdulek kudeatzen du tokia.

Loreez gain, gazte bangladeshtarrak frutak mozteko tramankulu xelebreak saltzen ditu, batez ere, turistentzat. Baina pandemiak eztanda egin zueneteik ez dabil atzerritarrik Erroman. Bisitariak falta dira, eta, azken hamarkadetan ez bezala, Italiako hiriburua bakarrik erromatarrentzat dela dirudi. Inork ez daki zenbat iraungo duen garai arraro honek eta noiz hasiko garen berriz ere kaleak turistez beteta ikusten.

Edonola ere, Luigik uste du paradigma aldaketa bat egiteko ordua iritsi dela eta Erromako agintariak berriz ere erromatarrak zaintzen hasi beharko liratekeela: erdiguneko etxeak eta negozioak herritarrei bueltatu, Airbnb apartamentuek ekarri duten espekulazioarekin amaitu eta periferiaren eta toki turistikoen arteko konexioa hobetu. Finean, erromatarrak haien hiriko jabeak bilakatu beharko liratekeela uste du Luigik.

Dagoeneko jatetxe eta negozio asko hasi dira horretaz ohartzen. Luigik adibide txiki baina adierazgarria eman digu: “Koronabirusaren aurretik, bakarrik bezero turistak zituzten trattoriek esne-gainarekin prestatzen zuten pasta carbonara. Orain badakite bezero erromatarrak erakartzeko arraultzarekin egin behar dutela, alegia, haien sustraietara itzuli behar direla”.


Saio honetako beste atal batzuk