Izan BERRIAlaguna

Zaitun

Zaitun

Genozidioa

Ane Irazabal

Tala al Jumaily 2013an batu zen Estatu Islamikora. Mundu mailako beste gaztn askoren antzera, nazio musulman “puruaren” ideiak erakarri egin zuen. Al Jumaily gazte arrunt bat zen, piska bat isila eta lotsatia, baina eguneroko bizitzari eusten ziona: lana, lagunak eta bizitza soziala. Siriara eta Irakera bidaiatu eta ISIS taldera batu zenean, ordea, zeharo aldatu zen. Jennifer Wenisch, Al Jumailyren emaztea ohia, alemaniarra da eta Faluyiako estatu islamikoaren polizian lan egiten zuen. 2014ko abuztuan, Estatu Islamikoko miliziek Irak iparraldeko lurralde kurduko Xengal eskualdea hartu zuten eta yazidiak akabatzen hasi ziren . Jihadistek “fedegabetzat” jotzen zituzten, haien erlijioa sinkretikoa delako, alegia, doktrina eta kultura anitzak batzen dituelako. Gizon asko hil egin zituzten eta emakumeak bahitu.

00:00 / 3:31

Entzuteko beste bide batzuk

Genozidioa

Ane Irazabal

2021ko abenduak 1

Bikote jihadistak Xengalen bahitutako emakume yazidi bat eta bere bost urteko alabatxoa erosi zituen merkatuan. Bai, 2015. urteari buruz hitz egiten ari gara. Ez da Erdi Aroa. Haurtxoaren amak salatu duenaren arabera, era guztietako jazarpenak pairatu zituzten Al Jumaily familiaren etxean egon ziren epean. Baina unerik gogorrena 2015eko udan iritsi zen. Umetxoak txiza egin zuen ohea, eta, zigor gisa, bikoteak leihora lotu zuen eta 50 gradura egarriz hiltzen utzi zuen. Amak adierazi du jipoitu egiten zutela alabatxoa askatzeko erregutzen zien bakoitzean.

Estatu Islamikoa Iraketik kanporatu zutenean, amak ihes egitea lortu zuen eta egun babespean bizi da Alemanian. Orain, auzitegi batek bere alabaren hilketa genozidiotzat jo du lehen aldiz. Aste honetan, Frankfurteko epaitegiak biziarteko kartzela zigorra ezarri dio Al Jumaily. Poliziak 2018an atxilotu zuen eta epaiak ezartzen du alabatxoaren hilketa genozidio baten ondorioa dela, alegia, estatu islamikoak yazidi komunitatearen aurka abiarazi zuena. Al Jumailyren emazte ohiari, ordea, 10 urteko kartzela zigorra ezarri zioten iaz. Alemaniako lurraldetik kanpo egindako gizateariaren aurkako krimena egotzi diete biei.  Pandemiaren eta koalizio gobernu berriaren artean, albisteak oihartzun gutxi jaso du Alemanian eta mundu mailan, baina genozidioa onartzen duen epaiak bidea ireki dezake yazidien aurkako basakeriak hutsean gera ez daitezen.

Saio honetako beste atal batzuk