Izan BERRIAlaguna

Zaitun

Zaitun

Iritsi berria

Ane Irazabal

Protesta jendetsuak dira, baina ez dute oihartzunik Alemaniako politikan. Duela hainbat astetatik errefuxiatu afganiarrek manifestazioak antolatu dituzte gobernu federalaren aurrean. Ez dakit hori ohikoa den ala ez. Iritsi berria naiz Berlinera, duela bi hilabete eskas utzi nuen Erromako apartamentua Alemaniara bizitzera etortzeko, eta niretzat dena da berria. Nire auzoko supermerkatura, liburutegira edo erroldatzea egiteko bulegora hurbiltzen naizen bakoitzean, Siriako eta Afganistango errefuxiatu asko ikusten ditut. Denek alemanieraz fin hitz egiten dute eta inpresio handia ematen dit ohartzeak gehienak duela sei urte iritsi zirela Egeo itsasoa gurutzatu eta Balkanak oinez zeharkatu ostean. Haietako batzuk orduan aurkitu nituen, Greziaren eta Mazedoniaren arteko mugan, Hungarian edo agian Austrian.

00:00 /

Entzuteko beste bide batzuk

Iritsi berria

Ane Irazabal

2021ko irailak 1

Protesta jendetsuak dira, baina ez dute oihartzunik Alemaniako politikan. Duela hainbat astetatik errefuxiatu afganiarrek manifestazioak antolatu dituzte gobernu federalaren aurrean. Ez dakit hori ohikoa den ala ez. Iritsi berria naiz Berlinera, duela bi hilabete eskas utzi nuen Erromako apartamentua Alemaniara bizitzera etortzeko, eta niretzat dena da berria. Nire auzoko supermerkatura, liburutegira edo erroldatzea egiteko bulegora hurbiltzen naizen bakoitzean, Siriako eta Afganistango errefuxiatu asko ikusten ditut. Denek alemanieraz fin hitz egiten dute eta inpresio handia ematen dit ohartzeak gehienak duela sei urte iritsi zirela Egeo itsasoa gurutzatu eta Balkanak oinez zeharkatu ostean. Haietako batzuk orduan aurkitu nituen, Greziaren eta Mazedoniaren arteko mugan, Hungarian edo agian Austrian.

Alemanian, Europako Batasuneko errefuxiatu afganiarren komunitaterik handiena dago. Batzuk 1970eko hamarkadan heldu ziren eta beste hainbeste iritsi berriak dira. Protestetan parte hartzen duten Afganistango herritarren artean emakume pila bat daude eta oso deigarria da manifestazioetara haien alabekin hurbiltzen direlako. Badakite Afganistanen geratu diren emakumeak bizirik kondenatu dituztela eta haiek kanpotik presioa egiteko gaitasuna dutela. Guztiek eskatzen dute talibanez ez fidatzeko eta emirerri berriarekin harreman politikoak ez normalizatzeko. Baina badakite Alemania hauteskunde kanpainan dagoela eta inork ez diela ezer segurtatuko. Hautagai politiko guztiek behin eta berriz errepikatzen dute 2015eko ate irekien politika ez dela errepikatuko eta Alemaniak bere mugak itxita mantenduko dituela. 2015ean Angela Merkelek milioi bat asilo eskatzaile baino gehiago jaso zituen, baina, irailaren 26ko bozetara begira, hautagai gehienek AfD alderdi xenofoboaren politikekin mimetizatu dira. Baina ez dakit hori ohikoa den ala ez, iritsi berria naiz Berlinera.

Saio honetako beste atal batzuk