Izan BERRIAlaguna

Zaitun

Zaitun

Mussoliniren maitale judua

Ane Irazabal

Margherita Grassini Sarfattik hogei urte zituen Benito Mussolini ezagutu zuenean. Emakume askea, indartsua eta pertsonalitate handikoa zen. Sarfatti 1880an sortu zen Venezian, hiriko familia judu ospetsu batean, baina hemezortzi urterekin gurasoen etxetik ihes egin zuen askoz nagusiagoa zen Cesare Sarfatti abokatuarekin ezkontzeko. Italiako lehen emakume kazetari profesionaltzat jotzen dute askok eta XX. mende hasieran hainbat aldizkari zuzentzera iritsi zen. Haren Milango etxean orduko lider politikorik ospetsuenak jasotzen zituen, eta, halako bisita batean, famatu egiten ari zen Mussolini ezagutu zuen.

00:00 / 3:47

Entzuteko beste bide batzuk

Mussoliniren maitale judua

Ane Irazabal

2021ko otsailak 24

Margherita Grassini Sarfattik hogei urte zituen Benito Mussolini ezagutu zuenean. Emakume askea, indartsua eta pertsonalitate handikoa zen. Sarfatti 1880an sortu zen Venezian, hiriko familia judu ospetsu batean, baina hemezortzi urterekin gurasoen etxetik ihes egin zuen askoz nagusiagoa zen Cesare Sarfatti abokatuarekin ezkontzeko. Italiako lehen emakume kazetari profesionaltzat jotzen dute askok eta XX. mende hasieran hainbat aldizkari zuzentzera iritsi zen. Haren Milango etxean orduko lider politikorik ospetsuenak jasotzen zituen, eta, halako bisita batean, famatu egiten ari zen Mussolini ezagutu zuen.

Emakume veneziarra, arte kritiko ezaguna zen eta garaiko mugimendu futuristak eta sozialistak hurbiletik jarraitzen zituen. Bere lagunei ez zitzaien arraroa iruditu Mussolinirekin maitasun harreman bat abiarazi zuenean. Sarfattiren eta Mussoliniren arteko lehen kolaborazioa liburu forman iritsi zen. Kazetariak maitalearen biografia idatzi zuen, The Life of Benito Mussolini ingelesez eta DUX italieraz. Milango eta Erromako klase altuko artisten eta intelektualen ateak ireki zizkion Sarfattik lider faxistari.

Politika eta pasioa eskutik emanda joan ziren Sarfattiren eta Mussoliniren arteko harremanean, eta kazetariak eragin handia izan zuen diktadorearen programa politikoa hezurmamitzerako orduan. Halere, Mussoliniren joera espantsionistak eta  Hitlerren Alemaniarekin sinatu zuen aliantzak krisia eragin zuen bikotean. Juduen aurkako jazarpenak, berriz, apurketa osoa ekarri zuen. Izan ere, Sarfattik ez zuen inoiz ezkutatu judua zela. Une batetik bestera, bere maitalearen politiken biktima bilakatu zen emakumea.

1938an, Italiatik ezkutuan ihes egin zuen kazetariak. Sarfatti Argentinan eta Uruguain bizi izan zen II. Mundu Gerra amaitu eta Italiara itzuli zen arte. 1955an Pasatako Ura izeneko memoria ikusgarriak publikatu zituen.


Saio honetako beste atal batzuk