Izan BERRIAlaguna

Zaitun

Zaitun

Teknokratarik politikoena

Ane Irazabal

Mario Draghi Romulo eta Remo baino erromatarragoa da. Hain da erromatarra, Roma Futbol Taldeko jarraitzaile amorratua dela. “Francesco Totti betirako”, esan zuen duela lau urte, Romako kapitaina erretiratu zenean. Hori da Draghik bere zaletasunei buruz egin duen adierazpen bakarra. Draghi Erroma erdigunean jaio zen eta hamabost urterekin gurasoak galdu zituen oso tarte gutxirekin. Familiaren buru bilakatu zen orduan, eta anai-arreba txikiak zaindu zituen. Jokabide paternalista eta mesianiko horrek bizitza guztian jarraitu dio. “Familia salbatu nuen, euroa ere bai. Orain Italiaren txanda da”, pentsatuko du agian.

00:00 / 3:25

Entzuteko beste bide batzuk

Teknokratarik politikoena

Ane Irazabal

2021ko otsailak 10

Mario Draghi Romulo eta Remo baino erromatarragoa da. Hain da erromatarra, Roma Futbol Taldeko jarraitzaile amorratua dela. “Francesco Totti betirako”, esan zuen duela lau urte, Romako kapitaina erretiratu zenean. Hori da Draghik bere zaletasunei buruz egin duen adierazpen bakarra. Draghi Erroma erdigunean jaio zen eta hamabost urterekin gurasoak galdu zituen oso tarte gutxirekin. Familiaren buru bilakatu zen orduan, eta anai-arreba txikiak zaindu zituen. Jokabide paternalista eta mesianiko horrek bizitza guztian jarraitu dio. “Familia salbatu nuen, euroa ere bai. Orain Italiaren txanda da”, pentsatuko du agian.

Draghi katolikoa da, oso sinistuna, eta Ignazio Loiolakoaren jaieraduna. Oso ongi ezagutzen ditu Erromako botere jauregiak. Italiako hiriburua oso klasista da. Non ikasi duzun eta non bizi zaren jakiteak, eragin handia dauka nor bilakatuko zaren erabakitzeko. Draghik EUR auzoko Massimiliano Massimo institutu jesuitan ikasi zuen, besteak beste, Italiako patronalaren buru izan zen Luca Cordero di Montezemolorekin.   

Draghik oso perfil publiko baxua dauka eta azken egunetan italiar askok elkarri galdetzen diote zein ideologia daukan. Mattarelak kargua eman zionean, 400.000 italiarrek bilaketa hori Google-en Draghiren jarrera politikoak ezagutzeko. Lehen hamabi orduetan interneteko bilatzailean gehien erabili ziren hitzak “ideologia” eta “Super Mario” izan ziren. Ekonomikoki, berriz, argi dago nondik joko duen. Draghik esan du goitik beherako erreformak egin beharko dituela. Baina politikoki? Italian askok ez dute begi onez ikusten gobernu teknokrata bat sortzea. Posible da %100ean teknikoa izango den exekutibo bat? Teknokratek ideologia daukate, Draghik ideologia dauka, eta gobernu teknikoak politikoak ere badira.


Saio honetako beste atal batzuk