Politika

Bizkaiko hiriburuan erabakitzeko eskubidearen alde egin dute milaka herritarrek; 122. kilometroan, Plaza Eliptikoan, Kataluniako hainbat ordezkari politikok eta gizarte erakundeetako kidek hartu dute parte, euskal herritar ugarirekin batera.

Berezia izan da giza katea Araban: bertan egin dituzte azken kilometroak milaka lagunek, eta bertan irakurri dute azken mezua, Gasteizen, Eusko Legebiltzarraren parean. "Erabakitzeko eskubidea gauzatzea giltza izango da hurrengo aroan", adierazi dute.

Goizean irten da Valladolideko kartzelatik (Espainia). Han zituen zain senide eta lagunak.

2013ko irailaren 11n Bartzelonan egin zen mobilizazio jendetsua izan dute gogoan giza katean egon diren katalanek. Elkartasun keinuak ugariak izan dira ibilbide osoan zehar.

Altsasuko gazteekiko elkartasun kilometroa Etxabarri Ibiña herrian egon da. Altsasukoak aske pankarta zabaldu dute, espetxean dauden gazteen irudia zuen beste batekin batera.

Pentsio duinen aldeko mezua eraman dute pentsiodunen elkarteek Gure Esku Dago-ren giza katera. Euskal Herriko errealitatera egokitutako pentsio sistema bat erabakitzeko ahalmena galdegin dute.

Angel Oiarbide Gure Esku Dago-ko bozeramaileak esan du arrakastatsua eta ezinbestekoa izan dela giza katea.

Donostia, Bilbo eta Gasteiz lotu dituen giza katearen inguruko saio berezia egin du BERRIA TBk. Jon Olano eta Amagoia Mujika kazetariek mobilizazioaren inguruko xehetasunak eman dituzte.

Antolatzaileen arabera, 175.000 lagunek osatu dute Gure Esku Dago erabakitzeko eskubidearen aldeko dinamikak antolatutako giza katea. 201,9 kilometroko bidean, Donostia, Bilbo eta Gasteiz lotu dituzte herritarrek, eta aldarrikapenez josi mobilizazioa. Legebiltzar atarian, dinamikako bozeramaileek nabarmendu dute "ziklo berri bat" zabaltzen ari dela.

Gasteizen egin dute giza katearen amaiera ekitaldia. Datorren urtean erabakitzeko asmoa gauzatzeko bidea egin nahi du Gure Esku Dago-k. Giza katean 175.000 pertsonak parte hartu dutela diote antolatzaileek.

Beste behin ere, jarritako helburua lortu du Gure Esku Dago-k: Herritarron Ituna, erabakitzeko eskubidearen aldeko herritarren argudioak biltzen dituena, legebiltzarreraino eramatea, eskuz esku berrehundik gora kilometro eginez.

Ortuzarrek adierazi du kaleko aldarrikapenak isla izan behar duela erakundeetan. Iriartek arduradun politikoei eskatu die "ez ditzatela begiak itxi" mobilizazioaren aurrean. PSEk kritikatu egin du erakundeetako ordezkariek giza katean parte hartu izana, eta PPk "gizarte haustura" sustatzea leporatu dio EAJri. Elkarrekin Podemosek ez du inolako adierazpenik egin.