Hauteskundeak
Barne inkesta, iparrorratz aldabera
Gaiei eta hautagaiei buruzko erabaki ugarik osatzen dituzte alderdien hauteskunde estrategiak, eta bide orri horiek finkatzeko tresna baliagarria bihurtu zaie barne inkesta alderdiei. Mezu politikoak zehazteko eta, ostean, doitzeko konpas modukoak dira barne galdeketak, alderdiek behar duten gutxieneko kontraste bat.
