25 urteko gizonezko bat atxilotu du Ertzaintzak Getxon (Bizkaia), ustez bere bikotekidea jo eta bururdi batekin itotzen saiatu delako. Eusko Jaurlaritzako Barne Sailetik jakinarazi dutenez, goizaldeko ordubietan emakumezko baten deia jaso dute SOS Deiak zerbitzuek, bikotekideak bera hil nahi zuela esanez.
Emakumezkoaren kokalekua argitzeko denborarik gabe moztu da telefono bidezko komunikazioa. Hala ere,ustezko erasotuaren oihuak entzun dituen lagun bati esker, Ertzaintzak emakumezkoaren kokalekua aurkitu ahal izan du.
Ertzaintzak genero indarkeria biktimen babeserako protokoloa ezarri du, eta Gurutzetako ospitalera eraman du emakumea.
Gizonezkoak, berriz, aurreko harreman baten "antzerako gertakariak" izanagatik aurrekariak ditu, Barne Sailetik adierazi dutenez.
