Alternatiba: "Unea da eztabaidan hasteko, inor baztertu gabe"

Baikor hartu du ezker abertzalearen agiria Alternatibak, eta bat egitearen alde azaldu da Alternatibako kide Oskar Matute. "Unea da eztabaidan hasteko, inor baztertu gabe, erabakitzeko nola antolatu gure ideiei indar handiagoa emateko eta gogoeta euskal gizarte osoari heltzeko". Infozazpi irratian egindako elkarrizketan, Matutek esan du ezkerreko alderdiek batzea ezinbesteko dela, eta horren alde ari dela lanean Alternatiba. "Euskal Herriko ezkerra batzeko prozesua behar dugu, pluraltasuna errespetatuz. Beren burua ezkerrekotzat dutenekin gertutasun gehiago izango dugu, baina prest gaude edonorekin hitz egiteko".