Anjel Figueroa presoa berriro erietxera eraman dute

Anjel Figueroa euskal presoa berriz ere erietxera eraman behar izan dute, Askatasunak jakinarazi duenez. Txagorritxu Gasteizko ospitalera eraman dute, hain zuzen, "krisialdi larriak" izan ondoren. Epilepsia arazoak izaten ditu Figueroak, eta maiz eraman izan dute erietxera. "Medikuek esan bezala, espetxean ezin du egon bere osasun egoera txarra dela-eta", dio Askatasunak.