Aralarreko kideek elkartasuna adierazi diete

Aralarreko zuzendaritzako kide Josu Murgia eta Ainhoa Beola Bilboko Justizia Jauregiaren atarian izan dira Batasuneko mahaikideak deklaratzen ari ziren bitartean, haiei elkartasuna adierazteko. Auzia bertan behera uzteko eskatu dute, eta justiziak politikan esku hartzea "onartezina" dela salatu. Batasuna solaskide beharrezkoa dela azpimarratu dute, eta une honetan inoiz baino garrantzitsuagoa dela alderdi guztiek "bakerako urrats sendoak" ematea.