Aralarren ustez Euskal Herriko gizartearen aurkako eraso berri bat izan zen atzokoa

"Ez dio ezer onik ekartzen normalizazio politikoari", adierazi du Aralarrek atzo Trapagarango (Bizkaia) industrialde batean izandako atentaturi buruz. Era berean, euskal gizarteak eskatzen duen elkarbizitza oztopatzen duela iritzi dio. Aralarrek azaldu duenez, "ezker abertzaleko gehiengoak" ere elkarbizitza hori eskatzen du. Euskal Herriko gizartearen aurkako eraso berria izan zen atzokoa Aralarren hitzetan eta ETAri iraganeko akatsak berriro ez errepikatzeko eskatu dio.