Atutxari "betoa ezartzea ze arduragabekeria den" azaltzeko alderdiekin biltzen ari da EAJ

EAJren BBBko lehendakari Iñigo Urkulluk azaldu duenez, bere alderdia gainerakoekin biltzen ari da Joan Mari Atutxari "betoa ezartzea ze arduragabekeria den azaltzeko". Ekintza horren helburua, EAJ "zigortzea" dela esan du. PSE-EEri ere zuzendu zaio, eta denek "jokatu" dezaketela abisu eman dio, eta Espainiako Gobernuan PSOE gutxiengoan gobernatzen ari denez, haiek ere "ahul" daudela gaineratu du.

'Radio Euskadi'-n egin dioten elkarrizketan esan duenez, EAJ "oso arduratsua da" jokabide hau edukitzerakoan, eta beraz, kontzientzia lasai duela azpimarratu du. Alderdi batzuen jokaerak "egonezina" sortarazten diotela ere esan du, "zenbat eta okerrago, orduan eta hobeto" jarrera dutelako. Gainerako indarrei, ez diela egoera aldatzeko jarrerarik ikusten dio.