Eusko Jaurlaritzako Justizia sailburu Joseba Azkarragaren arabera, "Euskal Herriak madrildarrekin batera negar egiten du gaur". Hedabideei helarazi dien prentsa oharrean dioenez, "hautsita dago Madrilen egin den sarraski nazkagarriaren aurrean". "Familia askoren bizitza leherrarazi dute, jendea aitarik gabe utzi dute, amarik gabe, senarrik gabe, andrarik gabe, semerik gabe eta alabarik gabe", dio Azkarragaren idatziak.
Hildakoei eta haien senideei "maitasuna" adierazi nahi izan dien Azkarragak, eta "horrelako sarraski bat egin dutenei, gure mespretxua adieraztea besterik ez zaigu geratzen".
"Euskal Herriak negar egiten du gaurko atentantuen hildakoen aurrean, txikituta gelditu diren hainbat familiren aurrean", nabarmendu du Justizia sailburuak. Halaber, gaurko ekintza egiten dutenei "Euskal Herria eta mundu guztia bakean uzteko, eta indarkeriaren estrategia bakean uzteko" eskatu die.
Erreakzioak
Azkarraga: "Euskal Herriak madrildarrekin batera negar egiten du gaur"
Iruzkinak
Ez dago iruzkinik
Ordenatu
