Mariano Rajoy Espainiako presidenteak jakinarazi duenez, PPk laugarren xedapen iragankorra kenduko du Espainiako konstituzioa erreformatuz gero. Asmo horren kontra mintzatu da Uxue Barkos Nafarroako Gobernuko presidentea.
Nafarroako herritarren erabakitzeko gaitasuna mugatzearen kontra azaldu da Barkos, eta xedapen iragankorra kentzeko proposamena "aurrekanpaina guztietan errepikatu" ohi dela adierazi du.
EAJk, berriz, "nafarrekiko errespetu faltatzat" jo du Rajoyren asmoa. Unai Hualde Napar Buru Batzarreko presidentearen ustez, "larria" da Rajoyren iragarpena, argudiatuz Nafarroako Parlamentuari eta herritarrei dagokiela xedapen horren inguruan erabakitzea, ez "estatuari".
