BERRIA.INFOk edizio berezia egin zuen atzo gauean Europako Legebiltzarrerako hauteskundeekin, eta berriz ere jarraipen ona eduki zuen. Webak ohiko igande batean -ez du edizio jarraiturik izaten-, batez beste bost mila bisitari edukitzen ditu, eta atzo 8.491. Martxoaren 1eko Eusko Legebiltzarrerako hauteskunde egunean antzeko datuak izan zituen: 9.027.
Pello Urzelai eta Eneko Bidegain BERRIAko Politika Saileko kazetariek, Twitter sistema erabilita, zuzeneko kontakizuna egin zuten atzo gauean, eta hor ere emaitza onak izan ziren: 1.502 ikusle, 554 iruzkin.
BERRIA.INFOk lehen aldiz maiatzean erabili zuen Twitter: Eusko Jaurlaritzako lehendakaria izendatzeko inbestidura saioan -1.705 ikusle, 453 iruzkin- eta Athletic-Bartzelona Espainiako Kopako finalean -462 ikusle, 1.017 iruzkin; gauetako hamarretan hasi zen partida-. Astegunak ziren bi egunak, eta BERRIAren webguneak haietako bakoitzean ohi baino bi mila bisitari gehiago izan zituen: ia hamabi mila.
Berriz ere emaitza onak BERRIA.INFOn
Iruzkinak
Ez dago iruzkinik
Ordenatu
