Bi gizon atxilotu dituzte genero indarkeria egotzita

Foruzainek bi gizon, biak 27 urtekoak, atxilotu dituzte igaro egunetan, genero indarkeria leporatuta. Lehendabiziko atxiloketa hilaren 24an gertatu zen; gizon batek bikotekide ohiaren kontra egin zuen. Ibilgailu bat gidatzen ari zen emakumea, eta gizonak ukabilkada batez autoko beira apurtu egin zuen. Emakumea eta autoan haren ondoan zihoan pertsona zauritu egin ziren kristalekin, eta erietxera eraman behar izan zituzten. Astelehenean, berriz,Itzako (Nafarroa) gizon bat atxilotu zuten. Lekuko baten bidez jakin zuten bikotekidea jotzen ari zela, eta bertara heldu zirenean biktimak indarkeria aztarnak zituen. Aurretik ere atxilotu izan dute genero indarkeriagatik.