Bi lagun zauritu dira Legution auto batek eta furgoneta batek elkar jota

Donemiliagakoaz gain, beste istripu larri bat ere izan da gaur goizean Araban. A-623 errepidean gertatu da, Legutiotik Otxandiorako bidegurutze parean, eta furgoneta batek eta auto batek elkar jo dute. Bi lagun zauritu dira ezbeharrean. Bietako bat salbamendu talde berezietako kideek atera behar izan dute autoaren hondakin artetik.