Bi zauritu Beasainen eta Tuteran

Kamioi batek istripua izan du N-1 errepidean, Beasain (Gipuzkoa) parean, eta gidaria Zumarragako Ospitalera eraman dute zaurituta.

07:15 aldera gertatu da ezbeharra: kamioiak artaziarena egin du, eta errepidean trabeska geratu da Gasteiz alderako bidea eragozten. Ondorioz, sei kilometroko ilarak sortu dira Gasteiz aldera. Alboan beste karril bat ireki behar izan du Ertzaintzak ilara arintzeko.

Castejonen (Nafarroa) Tuterako (Nafarroa) bizilagun bat larri zauritu da 6:25ean izandako istripuan. N-113 errepidean izan da gertaera, 77,2. kilomeroan. Kamioi batek eta auto batek elkar jo dute, eta Javier E.A. (47 urte) autoko gidaria Tuterako erietxera eraman behar izan dute, larri.