Esther Martinez Bizkaiko Batzar Nagusietan PPren bozeramaileak esan du "penagarria" dela Diputazioak "biktima guztiei" Bizkaitar Argia titulua ematea. Horregatik, azalpena emateko eskatu dio Jose Luis Bilbao ahaldun nagusiari: Martinezen arabera, apirilaren 24an biktimei aitortza "indibiduala" egitea adostu zuten Batzar Nagusietan, baina Bilbaok hori "saihesteko" modua bilatu du, "dituen konplexuengatik eta Bildu pozik uzteagatik".
Martinezen ustez, "terrorismoaren biktimen eta bizkaitarren aurkako diskriminazioa eta bidegabekeria" da Bizkaitar Argia titulua "biktima guztiei" ematea, eta oraindik ere garaiz dago Bilbao atzera egiteko.
