Blairren ustez, "munduko beste gatazkentzat eredu da"

Tony Blair Erresuma Batuko lehen ministroa gaurko ekitaldian izan da, eta kontent azaldu da akordioarekin eta ekitaldiarekin berarekin. "Munduko beste gatazkentzat eredu da", esan du. "Horrelakoetan, lehenik marko politiko egokia definitu behar da. Bigarrenik, segurtatua eduki behar duzu kanpoko eragileak -kasu honetan, Ameriketako Estatu Batuetako eta Irlanda hegoaldeko gobernuak-, barrukoen bide berean ari direla lanean. Baina garrantzitsuena, gatazkaren eskenatoki librea aurkitzea da, elkar entzuteko, hitz egiteko eta gero ulertzeko".