Adif enpresak amaitutzat eman du Zuian AHT abiadura handiko treneko lanetako zubibidea, Espainiako Gobernuaren EAEko Ordezkaritzak gaur jakinarazi duenez. 112 metroko luzera du zubi berriak, eta hiru zutabek eusten diote.
Espainiako Ordezkaritzak esan du zubiak errespetatu egin duela lehengo trenbidea, Gasteiz eta Maltzaga lotzen zituena.
Zubia hartzen duen tren eremuak 2,5 kilometroko luzera dauka, eta beste bi zubibide izango ditu: Basatxueta eta Zadorra ibaien gainekoak.
AHTaren Gasteiz-Bilbo eremuak 90,8 kilometro edukiko ditu, eta haietatik 54tan ari dira lanean. "Euskal gizartearen eskaerari erantzunez, lanak etengabe doaz aurrera", azpimarratu du Mikel Cabieces Espainiaren ordezkariak.
Bukatu dute Zuian AHTarentzako zubibidea
Iruzkinak
Ez dago iruzkinik
Ordenatu
