Nafarroako Parlamentuko PSNko bozeramaile Juan Jose Lizarbek UPN eta PPren balizko akordioari buruz esan du "kezkatuta" dagoela UPNren "denbora-pasak" direla-eta. "PSNk nafartarren arazoei irtenbideak aurkitzeko buru-belarri lanean jarraituko du Nafarroako Parlamentuan eta ondo legoke UPNk gauza bera egingo balu etxeko kontuak eta alderdikeriak alde batera utziz", esan du Lizarbek.
Nafarroako parlamentrien eta gobernuaren "erabateko lehentasuna" Nafarroako herritarren alde Nafarroan bertan lan egitea izan behar duela berresi du; "ez dago denborarik ez siestetarako ezta PPrekin edo beste edozeinekin ondo geratzeko abenturetan ibiltzeko ere".
