Donostian elkarretaratutakoen kontra kargatu egin du Ertzaintzak

Donostiako Bulebarrean LABek deituta elkarretaratzea egiteko bildu diren ehun lagun ingururen kontra kargatu egin du Ertzaintzak gaur eguerdian.

EFE informazio agentziak azaldu duenez, Oihane Errazkinen heriotza salatzeko deiturik zegoen elkarretaratzea baimenik gabea zela esanez gerturatu zaizkie ertzainak bilduta zeudenei, eta LABeko idazkari nagusi Rafa Diezi elkarretaratzea sakabanatzeko esan die. EFEk jakitera eman duenez, Diezen ezetzaren aurrean Ertzaintzak kargatu egin du.