Batasunari EAEko hauteskundeetara aurkeztea debekatzen badiote, beraiekin akordiak lortzeko prest dago Aralar. Akordio hori "edozein modutakoa" izango litzatekeela jakinarazi dute Mikel Basabek eta Aitzane Ezenarrok, Bilbon eman duten prentsaurrekoan, eta esan dutenez, aukeren artean legoke "zerrendak elkarbanatzea" ere.
Basabek azpimarratu duenez, Batasuna legez kanpo uztea PPk eta PSOEk hartutako "erabaki politikoa" da, eta Espainiako epaile eta fiskalek "aurrera eramana".
Batasuna legala izatea ere "erabaki politikoa" izango litzatekeela diote, eta horrek "borodate politikoa adierazteko aukera paregabea" ematen dio beraien iritzian, Espainiako Gobernuburu Jose Luis Rodriguez Zapaterori.
EAEko hauteskundeetarako Batasunarekin akordioak lortzeko prest dago Aralar
Iruzkinak
Ez dago iruzkinik
Ordenatu
