Ekitaldi nagusien egitaraua

Hauek dira Barack Obamaren presidente kargu hartzeko eguneko ekitaldi nagusiak:

- Zehaztu gabeko ordua. Presidente hautatua, Barack Hussein Obama, presidenteorde hautatua, Joe Biden, eta haien emazteak, Michelle LaVaughn Robinson eta Jill Tracy Jacobs, Saint John Eliza Episkopaliarrera joatekoak dira, meza entzutera.

- 09.55ak (15.55ak Euskal Herrian). George W. Bush jarduneko presidenteak eta bere emaztea, Laura Lane Welchek Etxe Zurian hartuko dituzte Obama eta honen emaztea.

- 10.05ak (16.05ak Euskal Herrian). Bushek eta Obamak Joseph Bidenekin eta Kongresuko kideekin gosalduko dute.

- =b11.30ak (17.30ak Euskal Herrian). Inbestidura ekitaldiaren hasiera, Kapitolioko eskaileretan. Honako ekitaldiak izango dira:

- San Franciscoko Abesbatzaren emanaldia.

- Dianne Feinsteinek ekitaldi hasiera ofiziala egingo du.

- Rick Warren artzain protestanteak hitz batzuk esango ditu.

- Aretha Franklinek kantatuko du.

- Joseph Bidenek presidenteorde karguaren zina egingo du.

- Itzhak Perlman bibolin jotzailea, Yo-Yo Ma biolontxelo jotzailea, Gabriela Montero piano jotzailea eta Anthony McGill klarinete jotzailea ariko dira.

- Obamak presidente karguaren zina egingo du, AEBetako Auzitegi Goreneko presidente John Robertsen aurrean. Inbestidura hitzaldia irakurriko du jarraian.

- Elizabeth Alexanderrek olerki bat irakurriko du.

- Joseph Lowery artzain protestantearen bedeinkazioa.

- God Bless America (Jainkoak Amerika bedeinka dezala) AEBetako himnoa kantatuko dute.

- 13.00ak (19.00ak Euskal Herrian). Barack eta Michelle Obamak Kongresuko kideekin hamaiketakoa hartuko dute Kapitolioan.

- 13.20ak (19.20ak Euskal Herrian). Bush Andrews Aire Basera joango da, agur esateko eta Texasera hegan egiteko, bere etxera.

- 14.30ak (20.30ak Euskal Herrian). Desfilea Kapitolioaren eta Etxe Zuriaren artean.

- 19.00ak (01.00a Euskal Herrian). Inaugurazio jaialdiak Washingtonen. Dantzaldietako batzuetara joango dira presidente berria eta bere emaztea.