EKTSAren Administrazio Kontseiluaren agiria

EKTSAren Administrazio Kontseiluaren adierazpena

Ostegun goizaldean Espainiako Auzitegi Nazionaleko epaile Juan del Olmok aginduta Espainiako Guardia Zibilak Euskal Herrian egin duen operazioaren aurrean, BERRIA egunkaria argitaratzen duen EKTren Administrazio Kontseiluak ondokoa adierazi nahi du:

. Indar guztiz gaitzesten dugu Espainiako Juan del Olmo epaileak agindutako operazioa, gure herriko kultur eragileen aurkako eraso onartezina baita.

. Atxilotutakoak errugabeak direla aldarrikatzen dugu ozen, euskarazko komunikabideak eta kultura sustatzea ezin baita, inolaz ere, delitutzat jo.

. Gure beldurra agertu nahi dugu atxilotutakoek jasoko duten tratuaz, izan ere EUSKALDUNON EGUNKARIAren aurka aurtengo otsailean egindako operazioan atxilotutakoek jasandako torturek ez bait digute beste aukerarik ematen.

. Berretsi egiten dugu lanean jarraitzeko asmoa, orain arte jardun dugun helburu berekin: euskarazko komunikabideak zabaldu eta sustatzea.