Oriol Junqueras ERCko presidenteak esan du Espainiako Estatuak Kataluniako Generalitatea baliabide ekonomiko aldetik itotzen jarraitzen badu, independentzia prozesua azkartu egin beharko dutela. Haren arabera, datozen hilabeteetan "oso egoera zaila" biziko dute katalanek, "Madrilekin talka" egingo duelako Kataluniak.
"Estatuaren barruan Kataluniak etorkizunik ez du", adierazi du Junquerasek. "Espainiak Kataluniari zor dion erdia ordainduko balio, ez genituzke murrizketak egin beharko".
