Josu Erkoreka EAJk Espainiako Kongresuan duen diputatuak adierazi du PSOEk "joko bikoitza" darabilela, ETArekin "gogor" agertzen den bitartean ezker abertzalearekin "harremanetan" dagoelako. Espainiako Onda Cero irratiari gaur egin dizkio adierazpen horiek. Estrategia horrekin PSOEk "garaipena bermatu" nahi duela erran du Erkorekak, "bukaerako eskenatokia edozein delarik ere".
"Bukaera elkarrizketatua posible balitz, beti esan ahal izango dute estrategia zuzena eraman zutela, Jesus Egiguren aspalditik berebiziko garrantzia duen harreman lana egiten ari zelako. Bestalde, elkarrizketak ongi aterako ez balira, beti esan ahal izango dute gogor aritu zirela eta ez zutela amorerik eman", esan du Erkorekak.
Erkorekak dio PSOE ezker abertzalearekin harremanetan dagoela
Iruzkinak
Ez dago iruzkinik
Ordenatu
