Errazti: “Su-etena Carod-Rovirak ETArekin izandako bileraren emaitza bada, ondorio ona da”

EAko presidente Begoña Erraztiren esanetan, ETAk Katalunian ekintza armaturik ez egiteko erabakia “Carod-Rovirak ETArekin izandako bileraren emaitza bada, ondorio ona da”. Hala ere, erabateko su-etena aldarrikatu du Erraztik.

Begoña Erraztik Arabako Espainiako hauteskundeetarako zerrendaburuak aurkezterakoan egin ditu adierazpen horiek, nahiz eta agiria bera irakurri arte ez duela balorazio sakonik egingo nabarmendu du. “Su-etenak ezin dira leku zehatz batentzat izan, baizik eta herritar ororentzat izan behar dute, katalanak izan, euskal herritarrak izan edo beste edozein lekutakoak izan”, azpimarratu du.