Antonio Camacho Espainiaren Estatuko Segurtasun idazkariak gaur esan du atzo Guardia Zibilak egindako operazioan ez dutela "talde terroristaren dokumentuetan atentatuetarako helbururik topatu" eta, "daturik ez dagoenez", ukatu egin du atxilotutakoek "berehala" egingo zutela ekintzaren bat. Ikerketak zer ematen duen itxaroteko eskatu du, bidenabar, Camachok. Zortzi lagun atzeman zituzten atzo, ETArekin lotura dutelakoan.
"ETAren agiri bat espero" dutela adierazi du Estatuko Segurtasun idazkariak, "azkeneko urteak aztertuz gero, bi-hiru hilabetero atera izan duelako bat, baina ez da egia [Espainiako] Gobernua errugutzen eta eskatzen ari denik.
Erakunde armatua "oso-oso ahuldua" dago, haren ustez, "gobernu demokratiko denen borrokari esker".
Javier Balza Eusko Jaurlaritzaren Herrizaingo sailburua, berriz, "kezkatuta" azaldu da, "ETAk ekintzaren bat egin nahi duelako, komandoak berreraikitzen ari baita".
Estatuko Segurtasun idazkariak ukatu egin du atzo atxilotutakoak "berehala" atentatu bat egitekotan zirela
Iruzkinak
Ez dago iruzkinik
Ordenatu
