Euskal Herriko Emakumeen Mundu Martxak martxan jarri du andreen hilketetarako protokoloa. Ohiko lekuetan eta orduetan egingo dituzte protestak asteazkenean, Indarkeria sexistari aurre egin lelopean.
Emakumeen aurkako indarkeriaren arazoaz ohartarazi behar dela nabarmendu du plataformak: "Indarkeria sexistak lehen mailako arazo politiko, sozial, ekonomiko eta kulturala izaten jarraitzen du; ez direlako modu isolatuan eta bakartuan ematen diren erasoak; bizi garen jendartearen antolaketa sexistak ahalbidetzen eta sustatzen duen indarkeriaren erabileraz ari baikara".
