Josep Lluis Carod Rovira Kataluniako Generalitateko eta ERCko presidenteorde ohiak, Gemma Calvet abokatuak, August Gil Matamala juristak, Antoni Batista kazetariak, Arcadi Oliveres ekonomilariak, Gabriela Serra bakearen aldeko mugimenduko kideak edota Jordi Porta Omniun kultur elkarteko kideak sustatutako taldeak Euskal Herriko bakea eta demokraziaren alde idatzia aurkeztuko du datorren asteazkenean Bartzelonan, Kazetarien Kolegioan (Ramblak, 12:00).
Haien arabera, "Kataluniako arlo sozial, kultural eta intelektualeko ordezkaritza esanguratsu eta zabal" batek sinatu du idatzia, eta Sortu ezker abertzaleko alderdi politikoaren auziaren garaian eratu dute mugimendua.
