Ezker abertzaleak ohar bat kaleratu du Eudeleko karguen banaketarako EAJk PP eta PSErekin erdietsitako akordioaren harira, eta slaatu du akordio hori alderdi jeltzalearen "moral bikoitzaren" beste adibide bat baino ez dela.
"Euskal Herrian abian den bake eta normalizazio prozesuari PPk eta PSEk etengabe oztopoak jartzen dizkioten arren, Euskal Herrian zein Madrilen PSOE eta PPrekin akordioak erdiesteko edota estrategiak partekatzeko arazorik ez du EAJren zuzendaritzak" salatu du ezker abertzaleak. "Bitartean, herri bezala dagozkigun eskubideen defentsa bateratua burutzearen alde agertzen garenokin elkarlanari uko egiten dio EAJren zuzendaritzak, horretarako aitzakiak eta argudio ahulak erabiliaz".
