Ezker abertzaleak legalizazioa eskatuko du larunbatean, Euskal Herriko hainbat herrietan burutuko dituen ekimenen bidez. Besteak beste, helburu horrekin giza kateak egin eta argazkiak aterako dituzte, tokian tokian. Ezkerabertzalea.info webguneak jaso duenez, Sopelan (Bizkaia) eta Soraluzen (Gipuzkoa) egingo dituzte giza kateak, eta Azpeitian eta Getarian (Gipuzkoa) bilkurak egingo dituzte kalean.
Europa Press albiste agentziak zabaldu duenez, ekimen horiekin bideo bat nahi da grabatu, ondoren legalizazioaren aldeko dokumental bat egiteko. Ekimen guztien leloa proiektu politiko guztientzat berdintasuna eskatzea izango da, "instituzioetan dagokien ordezkaritza izan dezaten".
Ezker abertzaleak hainbat ekimen burutuko ditu larunbatean legalizazioa eskatuz
Iruzkinak
Ez dago iruzkinik
Ordenatu
