Eztabaida legebiltzarretik at eraman nahi izatea egotzi dio San Gilek lehendakariari

Maria San Gil EAEko PPko buruak eztabaida bere "foro naturaletik" atera nahi izatea leporatu dio Juan Jose Ibarretxe lehendakariari. Hau da, eztabaida legebiltzarretik atera eta alderdien mahaira eraman nahi izatea.

Mahai horretan eztabaidatu nahi den herri eredua apurtzailea eta banatzailea da San Gilen hitzetan eta PPren proposamena guztiz bestelako dela adierazi du. Ibarretxeren Euskal Herriaren kontzeptua eta PPren Euskadiren kontzeptua guztiz ezberdinak direla azaldu dio.