Genero berdintasunerako bezala euskararen sustapenerako kuotak jartzea eskatu du Kontseiluak

Eusko Legebiltzarreko Mahai osatu berriaren hizkuntz errealitatearekin kezkatuta agertu da Euskararen Gizarte Erakundeen Kontseilua. Izan ere, lehendakariordeak zein idazkariak ez direla euskarazondo mintzatzeko gai nabarmendu du Kontseiluak, eta, ondorioz, Mahaiak eta Eusko Legebiltzarrak euskaraz funtzionate aldera egin daitezkeen urratsak oztopatzen direla.

Nolanahi ere, Izaskun Bilbao legebiltzarburu berriari eskatu dio "euskara erabili eta sustatzeko; euskararen presentzia bermatzeko".

Mahaiko kideena ez ezik, oro har, legebiltzarkideen hizkuntz ezagutza aztertu du Kontseiluak, eta ohartu da haietatik %41,3 ez direla gai hitzaldi bat euskaraz egiteko, "hau da, erdaldunak direla". Hori dela eta, genero berdintasuna bermatzeko egin den bezala, euskararen sustapenerako legebitlzarkideen zerrendak osatzean kuotak ezartzea eskatu du Kontseiluak.