Bilboko udaltzainek 35 urteko gizonezko bat atxilotu zuten atzo Deustua auzoan -behiala herria izana-, haren bikotekideak tratu txarrengatik salaketa jarri ostean.
Bikotekideak -39 urteko emakumea- azaldu zuenez, duela 15 urtetik maitasun harremana dauka gizonarekin, eta lau seme-alaba dituzte biek. Gizonaren aldetik tratu txarrak jasaten dituela salatzera joan zen asteartean Udaltzainen bulegora. Emakumearen esanetan, gizonak "arazo handiak" ditu, "oso jeloskorra delako", eta horiek alkoholarekiko duen menpekotasunaren ondorioz areagotu egiten dira.
Salaketa jartzearen arrazoia astelehenean gertatu zen, andraren berbetan. Honen bertsioaren arabera, gizona "edanda eta zarata eginaz" heldu zen etxera, eta horrek umeak eta bera itzarri zituen. Jarreragatik kontuak eskatu zizkion, eta gizona irainka eta aurpegian zaplaztekoak ematen hasi zitzaion. Orduan emakumeak etxetik alde egitea eta senide batengana joatea erabaki zuen. Biharamunean jarri zuen salaketa, udaltzainen bulegoan.
Gizon bat atxilotu dute Bilbon, bikotekideak tratu txarrengatik salatu ostean
Iruzkinak
Ez dago iruzkinik
Ordenatu
