Greenpeacek Garoña ixteko eskatu du

Greenpeace talde ekologistak Espainiako Gobernuari Garoña ixteko galdegin dio, hilabete batean hiru ezbehar izan ondoren.

Greenpeacek gogorarazi du iragan apìrilaren 6an Garoñako zentrala berriz ere gelditu behar izan zutela, zentraleko segurtasun maskor batean izandako matxura baten ondorioz. Era berean, martxoan transformadore elektriko batean leherketa bat izan zela eta sutea piztu zela adierazi du.

Talde ekologistaren ustez, "ezbehar horiek zentralaren segurtasun eza agerian uzten dute". Beraz, Garoñako zentrala ixteko erabakia gehiago ez atzeratzeko eskatu dio Espainiako Gobernuari.

Ekologistak Martxan taldeak ere bere egin du Garoña ixteko eskaera.