Gurutze Etxeberria Iraola

Errenterian jaioa da, baina Zarautzen bizi da; duela hamar urte erretiratu zen ofizialki lan mundutik. Gaztetatik militatu izan du mugimendu feministan, nagusiki Aizan eta Egizan antolakundeetan. «Gero, erretiratzean, LABetik etorri zitzaizkidan esanez pentsiodunen mugimendu bat sortu behar zela, eta horretan nabil hamar urte honetan». Hasieran, sindikatuaren pean jarduten zuten; duela sei urte, ordea, zabaldu egin zuten, eta, harrezkero, Duintasuna plataformak batzen ditu Gipuzkoako hainbat pentsiodun. Elkarteko presidentea da Etxeberria.