Herrizaingo Sailak ez du gaurko manifestazioa debekatzeko eskaera aintzat hartu

Ermuko Foroak gaurko manifestazioa debekatzeko eskatu zion ostiralean idatzi baten bitartez Eusko Jaurlaritzako Herrizaingo Sailari, "delitua izan daitekeelako eta desordenu publikoak eragin ditzakeelako", baina Herrizaingo Sailak baztertu egin du eskakizuna. Ibarretxek etzi deklaratuko du EAEko Auzitegi Nagusian eta orduan ere izango dira haren aldeko ekimenak; Ermuko Foroak horiek ere debekatzeko eskatu zuen eta hori ere ez du aintzat hartu Herrizaingo Sailak. "Eskaerek ez daukate oinarri juridikorik", esan du.