Juan Jose Ibarretxe (EAJ) Eusko Jaurlaritzako lehendakari ohiak aitortu du prest zegoela EAJren eta PSE-EEren arteko akordioa "erraztearren" bere hautagaitza erretiratzeko eta berriro ez izateko lehendakari. Hala zioen atzo Noticias taldeko egunkariei emandako elkarrizketan. "Ez nintzen behin ere eragozpen izango".
Akordio hori, ordea, ez zuten lortu -"sozialistek ez zuten aztertu ere egin", Ibarretxeren ustez-, eta Patxi Lopez jarri da Jaurlaritzako buru, PPren babesari esker. Asteartean izan zen inbestidura saioa eta orduan jakinarazi zuen Ibarretxek politika utzi duela. Aitortu duenez, ez du EAJn barne kargurik hartuko. "Nire nahi politikoak asetuta ditut".
Ibarretxek dio prest zegoela hautagaitza ez aurkezteko EAJ-PSE akordioa lortzearren
Iruzkinak
Ez dago iruzkinik
Ordenatu
